Байланыс телефоны: +7 (7282) 23-31-47

БПҰ "Жарық" жаңалықтары

Жеңістің 75 жылдығына орай  тыл еңбеккеріне құрмет көрсетілді

     Көп жылдар бойы Алакөл ЭЖА–да  еңбек етіп, құрметті демалысқа шыққан 85 жастағы тыл еңбеккері Қанабеков Келімхан атамызды  «ТАЭТК» АҚ басшылығы, «Жарық» БПҰ атынан Алакөл ЭЖА бастығы Дулат Даукенұлы Аханов құттықтап, 75 000 теңге материалдық көмекті табыстады.

     Келімхан атамызға денсаулық тілей отырып,  әрқашан балалары мен немерелерінің құрметіне бөленіп, апамызбен бақытты ғұмыр кешуін тілейміз. Ардагерлеріміз құрметке бөленіп, әлі де арамызда жүре берсін.

                                                                                                                                           «Жарық»БПҰ


 #BIZBIRGEMIZ

«Жарық» БПҰ «Біз біргеміз» акция аясында  көмек көрсетті

Алматы облысының бас мемелекеттік санитарлық дәрігерінің   ҚР төтенше жағдай енгізуіне байланысты шектеу шараларын күшейту жөніндегі қаулыларына сәйкес қаланың шыға берістерінде санитарлық постар қойылған болатын. Мемлекет басшысының бастамасымен қолға алынған «Біз біргеміз» акциясын қолдау мақсатында   қала аумағындағы санитарлық постар мен мобильді постарда  күн-түн демей қызмет көрсетіп жатқан полиция қызметкерлері, әскери мамандар, дәрігерлер, әкімшілік қызметкерлері т.б. азаматтарды   ыстық тамақпен қамтамасыз ету жұмыстары атқарылды.

2020 жылдың 8 сәуір күні барлығы 4 санитарлық, 8 мобильді пост қызметкерлері барлығы 84 адам түскі және 84 адам кешкі аспен қамтылды, оған  компания 160 000 теңге қаражат жұмсады.  

           

           

                                                                                                                                                     «Жарық» БПҰ


Абай  Құнанбаевтың 175 жылдығына орай Абай 

шығармаларын насихаттау эстафетасы

Поэзияда, музыкада, даналықта, қоғамдық-азаттық ой-пікір саласында өлмес-өшпес шығармалар берген Абай – қазақ халқының өткен замандағы өмірін зерттеймін деген ұрпаққа таңғажайып тұлға. Биылғы жыл –ерекше жыл, Абай Құнанбайұлының 175 жылдық мерейтойына арналған жыл. Мемлекет басшысы Қасым-Жомарт Тоқаевтың “Абай және ХХІ ғасырдағы Қазақстан” атты мақаласында Абайдың тұлғасы мен мұрасын ұлықтау мақсатында білім беру саласына үлкен міндеттер жүктеді. Абай Құнанбайұлының туғанына 175 жыл толуына орай мемлекет көлемінде және халықаралық деңгейде, соның ішінде ЮНЕСКО аясында өткізілетін ауқымды іс-шаралар басталып кетті.

Абай еңбектерінің нәрін өскелең ұрпақтың санасына сіңіру мақсатында  «Жарық» БПҰ  Көкшетаулық энергетиктер жолдаған эстафетаны қабыл алып, Жамбыл электр тарату жүйесіне жолдады.

                                                                                                                                               «Жарық» БПҰ


 Соғыс ардагері мен тыл еңбеккерін құттықтады

     «Жарық» БПҰ Жеңіс мерекесі қарсаңында «Ардагерлерді ардақтайық» партиялық жоба аясында  «ТАЭТК» АҚ-ның  бұрынғы жұмыскерлері – Қарабұлақ кентінің тұрғыны, Ұлы Отан Соғысының Ардагері  Вахтин Семен Андреевич пен Үшарал қаласының тұрғыны тыл еңбеккері –Келімхан Канабекұлы Қанабековті  Жеңіс мереексімен құттықтады.

     Басшылық атынан Алакөл, Қарабұлақ электр желілер ауданы басшылары М.Н. Омаров,Е.Б. Дюсембинов  ардагерлерді құттықтап, оларға зор денсаулық, ұзақ өмір тілеп, азық-түлік жиынтығын, 30 000 теңге конверт сыйға тартты.

           

     Өз кезегінде ардагерлер сыйлықтарға, ең негізгісі «ТАЭТК» АҚ ұжымының білдірген көңілдеріне алғыс айтты.

     Ардагерлер құттықтау мен сыйлықты қабыл ала отырып, сол сұрапыл жылдары бастарынан өткен оқиғаларын, жасөспірім кезінде жақындарын соғысқа аттандырғанын, еңбек фронтындағы еңбектерін, осы жеңіске қандай қиындықпен жеткендерін естеріне алды.

     Ұжым қызметкерлері әрқашанда ардегерлерді естерінен шығармай, әріптестердің ерліктерін ардақтайды, келешек ұрпаққа өмір сыйлаған ардагерлерді назарларынан тыс қалдырмайды.                                                                                                                                

         Халықаралық балар күні қарсаңында

     Халықаралық балалар күніне орай, «Жарық» БПҰ кәсіпорнымызда жұмыс істеп өндірісте жазатайым оқиға нәтижесінде қаза болған жұмыскерлеріміздің балаларына сыйлықтар табысталды.

     Балалар риза болып, олардың аналары «ТАЭТК» АҚ басшыларына ризашылықтарын білдіріп, уақыт пен мүмкіндік тауып осындай көңіл бөлгені үшін жұмыстарына табыс, зор денсаулық тілеп, кәсіпорынның өркендей беруіне тілектестіктерін білдірді.

     «ТАЭТК» АҚ басшылығы  осындай шара өткізу туралы бұйрық қабылдап, 4 балаға велосипед, 1 балаға ақшалай көмек көрсетілді.

 

 

 

^ Жоғары